Президенттің Жолдауы: бизнес үшін нақты өзгерістер
Бүгін Мемлекет басшысы экономиканы дамыту мен кәсіпкерлерді қорғаудың негізгі бағыттарын айқындады.
Президент:
«Бизнеске артық тексерістерден қорғаудың маңызды құралы міндетті талаптар тізілімі болуы тиіс», - деп атап өтті.
ШОБ үлесі ЖІӨ-де 40%-ға, ал жұмыспен қамтудың құрылымында 50%-ға жуықтады. Алайда бұл сектордың сапалы өзгерістердің драйверіне айналуы үшін жүйелі әрі терең реформалар қажет. Президент заңнаманы жан-жақты қайта қарау, жасанды интеллект технологияларын пайдалану және министрлер мен әкімдердің нәтижелер үшін жеке жауапкершілігін күшейту қажеттігін атап өтті.
Бүгін Алматы қаласының РПП «Атамекенінде» жетекші БАҚ журналистері Президент Жолдауының кәсіпкерлер үшін практикалық маңызы туралы бизнес-қоғамдастықтың пікірін тыңдады.
«Атамекен» ҰКП Алматы қаласы бойынша өңірлік палатасының Құқықтық мәселелер жөніндегі директордың орынбасары Мейрамбек Қаныбеков:
«Алматылық бизнес-қоғамдастық Президенттің тексерістер үшін міндетті талаптар тізілімін енгізу бастамасын зор ықыласпен қабылдады. Біздің елімізде 60-тан астам бақылаушы орган бар, ал Алматыда ғана 400 мыңнан астам кәсіпкерлік субъектісі тіркелген. Мемлекет қазынасына түсетін әр бесінші теңге дәл осы жерден келеді. Міндетті талаптар тізілімін енгізу – бұл шынымен де революциялық қадам. Енді әрбір кәсіпкер тексеріс кезінде қандай талаптар қойылуы мүмкін екенін және өз құқықтарын нақты білетін болады», деп атап өтті.
Пікір қалдыру:
Пікірлер: