«Атамекен» Қазақстан Республикасының Ұлттық кәсіпкерлер палатасы
Бизнестің сенімді серіктесі

Ақтөбе кәсіпкерлер палатасы мен экономикалық тергеу департаменті арасында өзара іс-қимыл туралы Меморандумға қол қойылды

13 Сәуір 2021 - Ақтөбе облысы
1366 просмотров

Меморандумға бизнестің заңды мүдделерін қозғайтын заңнаманы одан әрі жетілдіру, көлеңкелі экономикаға қарсы күрес, қаржы саласындағы құқық бұзушылықтар және бизнес субъектілерінің қатысуымен қаралатын экстремизм мен терроризмді қаржыландыруға қарсы іс-қимыл мәселелері бойынша ұйымдастырушылық-құқықтық және әдіснамалық көмек көрсету мақсатында қол қойылды.

Меморандум шеңберінде ҚР Қаржы министрлігі Қаржы мониторингі комитетінің Ақтөбе облысы бойынша Экономикалық тергеу департаменті Кәсіпкерлер палатасымен бірлесіп, қаржы мониторингі органдарының қарауына жататын қылмыстық және әкімшілік құқық бұзушылықтардың алдын алу, анықтау, жолын кесу, ашу, тергеу бойынша ҚР заңдарына сәйкес даулы мәселелерді шешу бойынша іс-шаралар жүргізетін болады.

Өңірлік Кәсіпкерлер Палатасы Департаментке лауазымды тұлғалар тарапынан сыбайлас жемқорлық сипатындағы фактілер (қорқытып алу, Мемлекеттік органдардың лауазымды тұлғаларының қызметтік өкілеттіктерін асыра пайдалануы және бақылау және т.б.) туралы, сондай-ақ шағын және орта бизнестің қызметіне заңсыз араласу және негізсіз тексерулер жүргізу (тиісті жоспарда көзделмеген) туралы ақпарат жіберетін болады. Кәсіпкерлердің өтініштеріне жедел ден қою функциялары бар тұрақты жұмыс істейтін бірлескен жұмыс тобын құру жоспарлануда.

2017 жылдың көктемінде Елбасының тапсырмасына сәйкес Экономикалық тергеу қызметі қайта құрылып, функциялары Мемлекеттік кірістер комитетінен ҚР Қаржы министрлігінің Қаржы мониторингі комитетіне берілгені белгілі.

Бұл ретте, облыс орталықтарында жедел – іздестіру қызметін, тергеу және алдын алу жұмысын енгізу функциясы бар дербес құқық қорғау органы болып табылатын экономикалық тергеу департаменттері құрылды. Департамент қызметінің негізгі міндеті көлеңкелі экономикаға қарсы күрес және көлеңкелі айналымды кем дегенде 40% - ға дейін қысқарту болып табылады.

"Қол қойылған меморандум Бизнестің адал қатысушыларын қылмыстық процеске негізсіз тартуға жол бермеу мақсатында талдау мен зерттеулер жүргізу арқылы отандық кәсіпкерлікті дамыту бағытында жүйелі және өзара байланысты мәселелердің бірлескен қолайлы шешімдерін әзірлеуді көздейді. Айта кету керек, Кәсіпкерлер палатасы мен Ақтөбе облысы бойынша Экономикалық тергеу департаменті арасында 2021 жылға арналған Экономикалық тергеу қызметі қызметінің басым бағыттары бойынша бизнес-қоғамдастықпен ынтымақтастық және өзара іс-қимыл жөніндегі жұмыс жоспарына қол қойылады. Осы жоспарға сәйкес бизнестің проблемалық мәселелері бойынша мүдделі тараптардың қатысуымен дөңгелек үстелдер өткізу жоспарлануда", - деп атап өтті Ақтөбе облысы Кәсіпкерлер палатасының директоры Сұлупан Шынтасова.

Өз кезегінде ӨКП директорының құқықтық мәселелер жөніндегі орынбасары Руслан Куйшинов меморандум шеңберінде кәсіпкерлік құқықтарын қорғау саласындағы қолданыстағы заңнаманың сақталуын бақылау ғана жүзеге асырылмайтынын, сонымен қатар бизнеспен бірлесіп экономика саласындағы, оның ішінде көлеңкелі экономикаға байланысты құқық бұзушылықтар мен қылмыстарды жасау себептері мен жағдайларын жоюға бағытталған қолданыстағы заңнаманы жетілдіру бойынша ұсыныстар әзірлеу бойынша жұмыс жүргізілетінін айта кетті.

Барлық сұрақтар бойынша кәсіпкерлер Ақтөбе облысының "Атамекен" палатасына жүгіне алады. Байланыс нөмірі: +7 /7132/ 744-607.


Серіктестер